HAUST

Bakverk frå HAUST

Godt handverk
Alt på garden er produsert for hand, med dei ressursane som fins i nærområdet. Den tørka frukta er utan konsenveringsmiddel eller andre tilsetjingar. 

– Etter ein roleg start har det berre balla på seg med eit eige produksjonslokale. Det heile starta for alvor i 2003. No produserer eg store mengder heile året. Hausting og produksjon er godt gammaldags handarbeid, seier ho.

Tørka eple frå HAUST

Sunt knask
Inspirasjon til dette naturens kunsthandverk finn ho langs fjorden, i fjella og i gleda over det ho har rundt seg. Det forfedrane har bygd opp vil ho føra vidare med stort og skapande hjarte, og ho er alltid på jakt etter å utvika nye spanande produkt.

– I tillegg til tradisjonell tørka frukt, likar eg og å eksprimentere med andre variantar av tørka frukt. Eg brukar tørka eple, pære, plomme i andre produkt som fruktkjeks, cognackake, fruktte, chutneyar, syltetøy. Andre produkt er på gang.

Dekorerer epla med smilefjes
Det ligg mykje arbeid i produksjonen til Turid Alice. For å lage 50 gram med tørka frukt, brukar ho eit halvt kilo med eple. Då seier det seg sjølv at det er mykje arbeid for kvar pose som kjem på marknaden.

– Å selje mi eige frukt gjev meining, og det kjennes ekstra godt ut når eg får gode tilbakemeldingar frå nye kundar eller mine faste kundar, fortel ho.

Som prikken over i-en, dekorerer Turid Alice gjerne epla med ulike formar for tekst og bilete. Smilefjes, hjarte og god jul eller alle motiv ho har brukt tidlegare.

– Utover hausten lagar vi spesialeple ved på klistre på ulike merker medan epla enno heng på trea. Sollyset hjelper oss med å få fram motivet. Epla er fine gåver og helsingar til spesielle høve, tipsar ho.